Nasabeistit: Linux Jiusim derēs.
Deivids Tikolls (David Ticoll)
Tulkuojums nu angļu i krīvu: Māris Laureckis
Roksta originals: Linux is Good for You, Toronto Globe and Mail
Tulkuojums krīviski: Не бойтесь: Linux вам подойдет
1991.godā, 22 gadeigs sūmu aspirants vuordā Linuss Torvalds (Linus Torvalds) sasaskuorēs ar
dilemmu. Jis gribēja, bet navarēja atsaļaut sev, Unix tierga versejis: jaudeigu i elasteigu datora
opereituojsistemu, puordūtu par 5,000 $ prīkš programmnūdrūšynuojuma i vēl 10,000 $ prīkš
specializeitys dorba vītys. (Opereituojsistema, voi tei byutu Unix, Microsoft Windows, voi Мac ОS, ir
progammnūdūšynuojums, kurs ļaun aplikacejom (pīlītuojumim) – kai teksta redaktorim (word) –
izmontuot Jiusu datoru).
L. Torvalds nūlēme radeit Unix klonu deļ personaluo datora. Jis izstruoduoja vīnkuoršu kūdulu
(opereituojsistemys kūduls) i īlyka tū Internetā. Jis aicynuoja cytus pamieginuot itū " hakerim radeitū
programmu nu hakera". Vāluok, jis patentēja tū saskaņā ar Atvārtuo Koda Asociacejis vyspuorejū
publiskū licenzi (Free Software Foundation's general public licence (GPL)), kura nūdrūšynoj breivu
programmnūdrūšynuoju i pīejamu vysim; itei licenze pīprosa jebkuram, kurs izmainieja tū, lai dareitu
īspiejamu pīeju izmaiņom vysim cytim lītuotuojim. Linux izmontuošona auga kai raugs. Roduos Linux
izstruoduotuoju asociaceja i leidz 2003.godam jūs pošsaorganizeituo sadarbeiba radēja produktu, kurs
voda desmitim miļjonu datoru vysā pasaulē.
Niule, daudzi vadeituoji stuov izvielis prīškā, voi īguldeit lelys investecejis Linux’ā. Tys na vysod ir
vīgli. Linux īdvese mitiskys bailis, nadrūšeibu i šaubys. Miti bīži satur taisneibys kūdulu. Tiksim
skaidreibā.
Mits: Linux – religiska kusteiba, dybynuota iz idealizma i misionariskys aizrauteibys.
Eistineiba: Linux aizrauteiba eksistej. Bet praktiskī Hewlett-Packard, IBM i Oracle vadeituoji īvīse sovu
korporativū rysynuojumu leluokuos dalis Linux’ā. Sun, Linux zaudeituojs, niule puordūd datorus ar
īinstaleitu (ībyuveitu) Linux. IBM atsvīde reiz augstpruoteigū montuojumu pošaudzeitom
opereituojsistemom par lobu itam iznireļam. Itaidys izvielis pasaļaun iz ekonomiku na aizrauteibu.
Mits: SCO tīsys pruova aptraipēja Linux reputaceju.
Eistineiba: SCO Group, Jūtys štata kompaneja, kurai ir "naz kaids" Unix intelektualais īpašums, martā
īsyudzēja IBM tīsā pasamotojūt, ka Lelais Zilais (Big Blue) puorvītuoja itū īpašumu Linux’ā. Divus
mienešus vāluok, SCO suoce draudēt ari korporativim lītuotuojim. Klienti nauzagiva iz ituo. Internet
Week, komercialais (klienturys) izdavums, aptaujuoja 2172 laseituojus, i 91 procents pascēja, ka
tīsvedeiba naītekmeis jūs plānus.
Mits: Linux lobs tikai dieļ zama riska (nakritiskom) aplikacejom (pīlykumim).
Eistineiba: Linux suoce zama riska jūmā kai e-posts i printera vadeiba. Niule Goldmans Sačs (Goldman
Sachs) soka, ka kūpejuo Linux skaitļuošonys serveru puordūšonys daļa pīaugs da 25 procentim 2005.
godā nu 15 procentim 2002.godā. DaimlerChrysler nūmainēja treis superdatorus, modelejūšūs
automašynu avarejis ar 108 Intel datorim, Linux vadeitim, īekonomejūt 40 procentus pi nagadeitys
produktivitatis pasaaugstynuošuos par 20 procentim. E-Trade izmontoj Linux prīkš tīšsaistis (on-line)
akceju teirdznīceibys. Dreamworks multfima Sinbads: Legenda par septeņom jiurom (Sinbad: Legend
of the Seven Seas) beja piļneibā radeita uz Linux dorba stacejom. ASV armejis "Nuokūtnis kaujis
sistema" (navaicojit) 26 miļjardu $ vierteibā izmontuos Linux.
Mits: Linux nikod navadeis dorba viersmu (desktop).
Eistineiba: Es nagrybu Linux iz sova dorba golda! Maņ pateik napīspīsteiba, aplikaceju dažuodeibu i
Microsoft Windows zvoni i sviļpīni. Nu cytys pusis, dažys kompanejis uzskota, ka tys ir daudz lātuok
nūdrūšynuot, saceisim, zvonu apstruodis centra struodnīkus ar personalajim datorim (PC) ar
īrūbežūtom funkcejom, kurus voda Linux. Tys ari ir lobuok: mozuoks kārdynuojums volkuotīs pa
Internetu voi spēlēt datorspēlis. A dieļ sātys lītuotuojim, elektroniskais veikals Wall-Mart puordavoj
īprīškuzstuodeitu Linux iz Microtel markys personaluo datora par 199,98 $. Tys sevī ītver lelu atvārtuo
koda aplikaceju kolekceju, nu teksta procesora da sarežgeita fotografeju redaktora. Consumer Reports
soka, ka Microtel ir grabaža (lempeigs), bet tikai pagaideisim produkta pyrmū ci ūtrū paaudzi.
Mits: Linux giust sekmis tikai tuopiec, ka tys ir bezmoksys.
Eistineiba: Linux ir bezmoksys, tuodieļ gryuši ar tū konkurēt. Bet tys nav tai pat, kai tikai ar bezmoksys
olu. Tys ir ari breivs kai angļu volūda, tymā var sevkurs redzēt, kai tys struodoj i dalikt jaunys dalis,
kurys dora tū lobuoku. I tys ir breivs ar tū, ka struodoj iz daudzu ražuotuoju datorim, kas nūzeimej
leluoku konkurenci. Linux ir ari lobuoks. Tys ir drūšs. Tys bīži naavarej (“nauzakar”). Tys pretojās
(iztur) hakeru uzbrukumim. Ar Linux Jius varēsit īgiut peirāgu (atvierteibu i konkurenci) i ari tū ēst
(drūšeiba).
Mits: Linux’u gryuši atbalsteit.
Eistineiba: Porostī ļauds - preteji apsātajim ar datorim – nagryb vozuotīs ar tū. Pat apsātim datoristim
tam vajadzeiga pamateiga atjauteiba. Nauzatraucit. Myusdīnu informatikys fakultatis izlaiž Linux specus
kuplā skaitā. I tehniskūs pakolpuojumu firmys niule ir gotovys i spiejeigys jimt iz seve Jiusu problemys.
Mits: Moz programmprodukti struodoj iz Linux’a.
Eistineiba: Patīseiba, Jius navarit īgiut MS Office dieļ Linux, i dzaudzys lelys paketis vēļ nastruodoj iz
tuo - pagaidom. Lelī Oracle i SAP aplikaceju pīguoduotuoji niule taisa produkceju dieļ Linux, i cyti sekoj
jim pakaļ. SAP dreizumā gaida, ka 10 procentu nu juo puordūšunys apjūma struoduos ar Linux’u.
Mits: Atvārtais izejis kods nūzeimej par daudz konkurejūšu standartu.
Eistineiba: Pastuov vairuokys Linux versejis, bet situaceja ir zam kontrolis. Red Hat, kuru dybynuoja
kanadīts Bobs Jangs (Bob Young), izdūt Linux’u, kurais ir pilneigi dominejūšais standarts de facto.
Mits: Microsoft byus golvonais, kurs zaudeis nu Linux.
Eistineiba: Microsoft sasaskor ar riskim nu Linux’a. Bet cyti – taidi kai Sun – leidz šam pazaudēja
vairuok. Goldmens Sačs (Goldman Sachs) pascēja, ka Linux prognozeituo tierga pīauguma daļa
mozuok nuoks nu Microsoft. Vysvairuok nuoks nu cytom Unix formom i mierstūšom slāgtom sistemom
nu taidom kompanejom kai IBM. Tymā pat laikā, konkurence motivej Microsoft saviļkt sovu
ekonomiku, dažaiduot, uzlobuot sovus pīduovuojumus i pastyprynuot produktu drūšeibu. Es
prognozeju, ka Microsoft, kai IBM darēja 1990-tūs godu suokumā, klius nu ituo izaicynuojuma lobuoka i
vairuok stypruoka kompaneja.
Taitod: Linux Jiusim derēs. Jemit vāra problemys i riskus, bet naļaunit tuom ari baidēt Jius.
Deivids Tikolls (David Ticoll)- konsultants, orators i autors. (Convergent Strategies izpylddirektors,
izdavuma The Globe and Mail komenteituojs i rubrykys "e-Insider" vadeituojs, gruomotys The Naked
Corporation: How the Age of Transparency will Revolutionize Business (Free Press: New York, October
2003) leidzautors.
Dticoll@globeandmail.ca
